Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


eZ Publish navigation


You are here:

Ngā Whakamārama Kupu - T

Dictionary keywords navigation

toka

To listen to the audio file enable javascript or click here

rock

Whakamārama:

He wāhanga o te kirinuku o Papatūānuku kua hangaia ki te kohuke, ki te matū rānei i takea mai i te pararopi kua totoka i roto i te huringa o te hia miriona tau. Ko te hurihanga toka te tukanga e haere tonu ana i ngā wā katoa, e puta ai he toka hou, e ngawhere ai he toka hei oneone.

A part of the Earth’s crust composed of minerals or material of organic origin which has solidified over a period of many years. The rock cycle is ongoing, constantly creating new rocks and breaking down old rocks to form soil.

Tauira kōrero:

He aha ngā momo toka matua e kitea mai ana i te takiwā o te kura?

To listen to the audio file enable javascript or click here

Wehea ngā toka ki ngā rōpū matua e toru, arā, te toka ngiha, te toka parataiao me te toka kāhuarau.

To listen to the audio file enable javascript or click here

Ka ngawhere te toka, ā, ka āpiti atu ngā korakora ki te matū pararopi, kia hua mai ai he oneone.

To listen to the audio file enable javascript or click here

Whakamārama atu anō:

E toru ngā momo toka matua:

  • Ko te toka ngiha:
    Ka takea mai i te tokarewa ka puta i tētahi puia. Ka tere mātao te tokarewa, ā, ka hua mai he toka matarehu pērā i te ōnewa, te tokapata me te tūhua. He mārō, ā, ka papare anō i te tukanga ngawhere. Koia nei te momo toka hei mahi hāngi:
  • Ko te toka parataiao:
    Ka hua mai i ngā parataiao e kawea ana i te wai, i te hau rānei. Ka whakaputu haere he paparanga parataiao hou i roto i te takanga o te wā roa, ā, mā te kaha tonu o te pēhanga ka hua mai ai he toka. Ko te hōanga me te pākeho hei tauira o te toka parataiao. Ka whakamahia hei whakakoi i te mata o ngā taputapu, pērā i te whao, te toki me te māripi. Ko te toka māhurehure tētahi momo toka parataiao, he matanui te āhua:
  • Ko te toka kāhuarau:
    Ko te momo toka ka hua mai ina huri te hanga me te āhua o tētahi atu o ngā toka mā te pā mai o te wera me te pēhanga i roto i te takanga o te wā roa. Hei tauira, ka huri te pākeho hei māpara. He tino mārō te toka kāhuarau:

I te takanga o te hia miriona tau, ka hangaia he toka hou, ā, ka ngawhere anō he toka hei oneone. Ka kīia ko te hurihanga toka tēnei tukanga:

Pāwhiria a konei kia kitea ai te whakarahinga o ngā whakamārama.
Ngā tuhinga mai i te whakaahua:
  • toka ngiha
  • ka rewa, ka hū ake, ka mātao
  • toka parataiao
  • toka kāhuarau
  • te ngawhere me te ngāhorohoro
  • te pā o te wera me te pēhanga


Rapua te Papakupu Pūtaiao

Search Site Dictionary

Te Marautanga o Aotearoa

Te Marautanga

Footer: